我唔明呀

媽媽，媽媽
我唔明呀~

點解嗰個企喺玻璃窗隔離嘅哥哥
著緊果條牛仔褲咁怪
成個吉之島日式魷魚筒咁嘅款嘅?

仲有呀 仲有呀
果個排緊隊俾錢錢嘅大姐姐
戴住果副黑個墨嘅眼鏡
咁似阿哥成日追果套幪面超人電王隻烏蠅眼嘅

哦?
果嗰獅子頭姨姨咁得意
喺個鼻度穿咗個圈圈
成隻...諗吓先
喺啦
似每朝早你俾我飲嗰隻朱古力味雀巢牛牛呀

嘩，媽媽，你睇吓，你睇吓
好得人驚呀
個唔知哥哥定姐姐
嗰隻耳仔插咗三..四...五枝釘釘
肯定痛死佢啦
唔知佢喺咪喺學校唔聽老師話
俾老D(師)罰呢
媽媽，你話係唔係呀?


媽: 阿仔，唔好咁多事呀你
因住D大哥哥大姐姐打你
賣你俾拐子佬
到時無人煮飯俾你食
你就知味道

仔: 咁無飯食喺咩味道嫁?